УВЕР ЙОГЫН

У еҥ вуйлаташ тӱҥалын

25 сентябрьыште Советский районысо депуптат-влак погынымашын пунчалже дене ты район администраций   вуйлатышылан Антон Трудиновым шогалтеныт.

Ты должностьыш кум еҥ темлалтын улмаш. Но Трудинов верч шукынрак йӱкленыт.

У вуйлатышын палемдымыж почеш, тудо эн ончычак бюджет окса пайдалын да шот дене кучылталтше, районыш инвестиций толжо, вуйлатыше-шамыч тыште  илыше-влакын интересыштым аралышт манын тыршаш тӱҥалеш.

Марий Эл Республик вуйлатышын организаций да аналитике управленийжын палдарымыж почеш, Антон Трудинов 1979 ийыште Йошкар-Ола воктенысе Корта ялыште шочын. Кӱшыл образованиян, юрист. Шке жапыштыже Марий Эл Кугыжаныш Погынын аппаратшым вуйлатен, Йошкар-Олан мэржын икымше алмаштышыже лийын. Пытартыш жапыште Йошкар-Оласе «Водоканал» организацийыште директорын алмаштышыжлан ыштен.

Л.Камалетдинова.

Опубликовать в Одноклассники

Добавить комментарий