Шушаш рушарнян Сеҥымашын XXX-шо идалыкше лӱмеш тӱвыра полатыште садовод ден пакчазе-влакын пайрем кечышт эрташ тӱҥалеш.
Поро йӱлаш савырныше мероприятийыште олаште да ола пеленысе ялыште илыше садовод-шамыч пакчаштышт ончен куштымо емыж ден саскам, пеледышым, кусарен шындышаш кушкылым ончыкташ тӱҥалыт. Пайрем годым тӱрлӧ выставке ден конкурс-влак лийыт:
– Саска, пакчасаска, фрукт да пеледыш выставке;
– «Пакча чудо» конкурс;
– «Эко-мода» (кид йымалне улшо да пӱртӱс материал гыч ыштыме композиций);
– «уДачный кадр» фото конкурс;
– Пӱртӱс материал гыч ыштыме модыш конкурс;
– «Фазенде мисс» да «Пакча мистер» конкурс.
Пайремыш толшо-влак шыжын пӧлекшым, усталыкшым ужын аклаш йӧн лектеш. Выставкым ончаш толшо-влак творческий коллектив-шамычын мастарлыкыштым аклен да шкештат оҥай конкурслаш ушнен кертыт. Тыгак опытан сад-пакчазе-влак деч кусарен шындышаш кушкыл вондым, пакчасаскам, пеледышым оксала налаш йӧн уло.
Р.ЧЕПАКОВА ямдылен.
