ПЕНСИЙ СОЦИАЛ ИЛЫШ

Ялозанлыкыште тыршенат гын…

Марий Элыште ялозанлыкыште 30 ий деч шагал огыл жап тыршыше, кызыт пашам ыштыдыме, тыгак ялыште илыше 9108 пенсионерын пеҥгыдемдыме выплатышкышт 25 процентым ешарен тӱлымӧ. 1 январь гыч выплатын кугытшо 5334,19 теҥге лийын. Тидын дене келшышын,  шоҥгылык шотышто страховой пенсий 1333,55 теҥгелан кӱзен, а кумшо группо инвалидностьышто улшо гражданинын выплатыже – 667 теҥгелан.

Ялысе пенсионерлан социальный доплатым илен лекташ лийме кугыт марте ыштыме гын, пенсийже кӱзыдеат кертын але изиш гына ешаралтын. Но тиде пенсийым кӱзыктыдымӧ нерген ок ойло, просто социальный ешартыш пенсионерын чумыр выплатшым илен лекташ лийме кугыт марте нӧлталын. Умбакыже кажне у индексаций пенсийым кугемда, а социальный ешартышым иземда.

М.ИВАНОВА.

Опубликовать в Одноклассники

Добавить комментарий