Марий Элым вуйлатыше Александр Евстифеевын кӱштымыж почеш, пассажир-влак 19 сентябрь марте у троллейбусла дене яра коштын кертыт.
Троллейбус-влак 1-ше, 2-шо, 5-ше, 6-шо, 8-ше, 10-шо, 11-ше маршрутла дене кудалыштыт. Транспорт, чынжымак, пеш йӧнан: тарванен кайымыж годым нимогай уто йӱк ок шокто, салонышто ару, вер шуко, поснак самырык-ава-влаклан коляскым нумалышташ, нӧлтышташ полшаш йодмо ок кӱл, вик шӱкен пураш лиеш.
Весат чоным вӱчка: троллейбус-влакын канде тӱсан тӱжвал могырыштышт ош тӱсан марий тӱр ужаш да рӱдоланам ушештарыше пале пеш сӧралын койыт.
Л.СЕМЕНОВА
