COVID-19

Тÿткыш деч посна иктымат огыт кодо

Таче, у коронавирус инфекцийын, гриппын да ОРВИ-н эпидемийышт пагытыште, поликлинике-влакын пашаштым кеч изишак иземдаш манын, Россий Федерацийын Тазалык аралтыш министерствыже больничный листым черлын медицине организацийыш мийымыж деч поснат почаш да петыраш, тыгак врачлан пациентым дистанционно эскераш темлен. Тиде тÿҥ шотышто COVID-19 инфекцийын але ОРВИ-н куштылго формышт дене черланыше-шамыч дене кылдалтын.

У коронавирус инфекций деч прививкым ыштыктыдыме да COVID-19 дене тымарте черланыдыме еҥ-влакым, тестын ковид дене черланымым пеҥгыдемдымекыже, шым кечылан самоизоляцийыш колтат. Больничный листым пациентын медицине тöнежыш мийымыж деч поснат почыт да, чер шкенжым ик арня жапыште нигузеат огеш палдаре гын, дистанционнак петырат. Черын куштылгын эртымыж годым врач пациентым вич кечылан ик гана деч шуэн огыл терга, тылеч нелырак сÿрет палдырныме годым – кок кече коден. Нелын черланыше пациент-влакым поснак тÿткын эскерат, кÿлешак гын, эмлымверыш пыштат.

                                                                                                                                                              М.ИВАНОВА

Опубликовать в Одноклассники

Добавить комментарий