СПОРТ

Эн тале команде – «Марий Эл» 

Курыкмарий районысо Аламнер курыкышто «Курыкмарий муниципальный район» МО-н курыкышто куржталме дене открытый чемпионатше ден первенствыже, ветеран-влак коклаште Россий Гран прин XV этапше эртаралтын. 
Таҥасымашке 100 наре спортсмен погынен. Куржталаш йӧратыше-влакын «Марий Эл» командышт ойыртемалтын. Тудын вуйлатышыже – ветеран-влак коклаште курыкышто куржталме дене Российын чемпионжо, отставкысе милиций полковник В.Кузнецов. 
Командыш пурышо-влак: куштылго атлетике дене спорт мастер В.Романов, В.Степанов, А.Кугергин, С.Григорьев, С.Александров, В.Никодимов, З.Рябчикова, А.Петрова, Э.Ефимова — шке ийготан-влак коклаште икымше лийыныт. С.Пайгашева, В.Войконов, В.Афанасьев, В.Хмелев, Г.Федоров, А.Ильин, И.Евсеев призер радамыш лектыныт. 
Куржталаш йӧратыше-влакын «Марий Эл» командышт гыч чыла спортсменлан медаль ден грамот пелен Звениговысо шыл комбинатын ямдылыме футболкым кучыктеныт. В.Кузнецов нунын лўмышт дене «Звениговский» озанлык вуйлатыше И.Казанковлан командылан полшымыжлан таумутым ойла. 
А.АНДРЕЕВ. 
Снимкылаште: сеҥыше команде; курыкыш кыртменак кўзаш логалын. 
В.Кузнецовын фотожо. 

Опубликовать в Одноклассники

Добавить комментарий