Ноябрь тӱҥалтыште Озаҥ олаште ММА дене «Битва на Волге 7» профессиональный турнир лийын. Тушто Марий Эл гыч А.Садоншоев таҥасен.
Спорт ареныште Российын тӱрлӧ регионжо, тыгак Латвий, Украина, Узбекистан, Таджикистан гыч ятыр участник вийжым терген, моткоч шокшо турнир эртен. Ончышо-влак ММА-н 7 профессионал кучедалмашыжым ужыныт. Нунын коклаште иктыже ӱдырамаш бой лийын. Турнирыш Российын эн сай ринг-анонсерже А.Загорский толын. Таҥасымашым рэп-исполнитель Джиган сєрастарен.
Джоба (тренерже С.Лобанов) Сызрань гыч тале соперникше Юрий Масловым техничныйрак улмыжлан кӧра сеҥен. Пеҥгыде кучедалше семын палемдалтын.
Палаш: 1декабрьыште Йошкар-Оласе «Марий Эл» ий полатыште ММА дене турнир лиеш.
Е.Эшкинина.
