Мый шуко шочшан ава улам гынат, пашам ыштем. Тидын шотыштак колынам, пуйто мыйын гай ӱдырамашлан кажне ийын ойыралтше отпуск шотышто у льгот-влакым пуртеныт. Ала рашракын умылтареда ыле?
Е.Петрова.
Медведево район.
Йодышлан Йошкар-Ола прокурорын алмаштышыже Ильдус Алимов вашештен:
— Тений октябрьыште Россий Паша кодексыш вашталтышым пуртеныт. Чынжымак, тудын дене келшышын, кум але утларак икшывым латкок ий марте ончен куштышо пашаеҥ-шамычлан ешартыш льготым палемдыме. Россий Паша кодексын 123-шо статьж дене келшышын, тӱлыман отпускым кажне ийын пашам пуышын ончылгоч палемдыме графикше дене келшышын ойырат. Тиде график кок велжымат шукталтшаш. Но законыш вашталтышым пуртымылан кӧра латкок ий марте кум але утларак икшывым ончен куштышо пашаеҥ тыгай отпускым шкаланже келшыше пагытыште ойырен налын кертеш.
С.Носова.
