Мыланем 16 ий темын. Водительын праважым налын кертам мо?
А.Морозов.
Медведево посёлко.
Йодышлан Медведево районысо прокурорын кугурак полышкалышыже С.Г.Белова вашештен:
— «Корно движенийын лӱдыкшыдымылыкшӧ нерген» федеральный законын 26-шо статьяж дене келшышын, «М» категориян (мопед да легковой квадроцикл) да «А1» подкатегориян (мотоцикл, внутренний сгораний двигательже 125 кубический сантиметр деч изирак лийшаш, но 11 киловаттым эртышаш огыл) транспорт средствым виктарен кертыда. Тиде радамыш латкуд ийым эртыше да келшен толшо профессиональный шинчымашым налше, транспорт средствым виктараш келшен толшо категорийлан экзаменым кучышо, тазалык шотышто ситыдымаш деч посна ийготыш шудымо-влак логалыт.
С.Носова ямдылен.
