Йошкар-Олаште ынде икмыняр ий каныш кечылаште ялозанлык ярмиҥгам эртарат. Мый тушко кочкыш сатум налаш кошташ йӧратем. Тыгай ярмиҥгам кушто да кунам эртарыме график дене палдарыза, пожалуйста.
Г.Моисеева.
Йошкар-Ола.
Йодышлан вашутым Ялозанлык да продовольствий министерстве гыч налынна.
«Российыште экологий идалык кышкарыште экологический сату ярмиҥга» ялозанлык ярмиҥга Чарла кремльыште 7 октябрьыште эртаралтеш.
Покро ярмиҥга 14 октябрьыште Ленин площадьыште лиеш. Тудо Покро деч посна эше Волжский район ден Волжск олалан пӧлеклалтеш.
28 октябрьыште «2017-шыже» ярмиҥга Ленин площадьыште эртаралтеш да У Торъял район ден Йошкар-Олалан пӧлеклалтеш.
11 ноябрьыште Чарла кремльыште «Кузьминки. Курьи именины» фестиваль лиеш.
25 ноябрьыште Ленин площадьыште Марий Турек ден Параньга район-влаклан пӧлеклалтше ялознлык ярмиҥга ӱжеш.
9 декабрьыште Ленин площадьыште калыкым ялозанлык ярмиҥга вуча.
30 декабрьыште Чарла кремльыште У ий вашеш ялозанлык ярмиҥга эртаралтеш.
С.Александров.
