УВЕР ЙОГЫН

Шернурышто — йӧршеш уке

 Тений август ден сентябрьыште республикын Пӱртӱс поянлык, экологий да йырым-йырысе средам аралыме министерствыжын специалистише-влак регионышто мыняр нерге илымым рашемденыт.

Чылаже 507 вуйым шотлен луктыныт. 2016, 2017 ийла дене таҥастарымаште, чот ны кушкын, ны шагалемын огыл манаш лиеш.  Ончылий 509 вуй лийын гын, кодшо ийын — 501. Специалист-влакын ойлымышт почеш, нергем шотлаш куштылгыжак огыл, молан манаш гын нуно мланде кӧргысӧ пыжашлаште илат. Поснак нуно шукын  Килемар, Медведево, Морко да и Юрино районлаште илат. Волжский, Параньга районлаште гын пеш шагалын улыт. А теве пытартыш кок ийыште Шернур районышто нуным йӧршеш верештме огыл.

 С.Носова.

Опубликовать в Одноклассники

Добавить комментарий