Тунемше-влакым «каникулыш» колтеныт Марий Элыште ОРВИ дене черланыме сӱрет эпидемий лондемыш лишемеш.
Кодшо арнян республикыштына ОРВИ дене 3471 еҥ черланен, 23 пациентлан, 11 кугыеҥ ден ийготыш шудымо 12 ӱдыр-рвезылан, «грипп» диагнозым шындыме.
ОРВИ дене чот черланымылан кӧра 13 йочасадысе 14 группым карантиныш петырыме, тыгак 4 районысо 6 школышто 7 классым вучыдымо «каникулыш» колтымо.
ОРВИ да грипп шарлымылан кӧра Роспотребнадзор регионыштына ограничитлыме мероприятийым пуртен.
М.ИВАНОВА
