УВЕР ЙОГЫН

Шонымо семын ок ушно

Марий Элын Ялозанлык да продовольствий министерствыжын данныйже почеш, 28 августлан республикыште пырчан да отызан культурым чумыр 142063 гектар гыч 39 тӱжем нарыштыже солымо, тышеч 37741 гектарыштыже шийме. Ик кечыште 2600 наре гектарыште поген налме. Тидыже 27 процент лиеш. Ӱмаште тыгаяк жаплан шурнывечыште 85 процент паша шукталтын. Чумыр пырче лектыш 80665 тонныш шуын. Эртыше ийыште тиде жаплан 225462 тонн клатыш возын.

Кокияш уржам 11258 гектарыште шийме, 17672 тонн пырчым налме. Ик гектарлан шотлымаште кокла лектыш 15,7 центнерыш шуын (ӱмаште 21,5 центнер лийын). Шыдаҥым 10487 гектарыште поген налме, чумыр лектыш 27995 тонн лийын. Кажне гектар гыч 26,7 центнерым шийме (кодшо ийын 19,7 центнерым налме). Шож лектышат ӱмашсе деч (18,3 центнер) сайрак – ик гектар гыч 22,4 центнерым погымо. Ты культурым 10283 гектар кумдыкышто шийме, 23074 тонн пырче клатыш пурен. Пурсам 4040 гектарыште поген налме, кызытеш 8272 тонн лектын. Кажне гектар 20,5 центнерым пуэн. Шӱльым 1481 гектарыште 3260 тонным погымо, гектар еда 22 центнер лектын.

Шурным погымо паша Звенигово, Курыкмарий, Оршанке районлаште ушнен толеш, а теве Марий Турек, Параньга, Шернур, Кужэҥер районлаште эркынрак ыштат. Пырчан да отызан культур лектыш Медведево районышто эн сай – ик гектарлан шотлымаште 29 центнер дене шийыт. Тыгак Оршанке (27,3 центнер), Советский (26,2 центнер) районлаште пырче умен кушкын.

Республикысе чумыр 309 комбайн гыч 255 технике пасушто тыршен. Ик кечыште эн кугу кумдыкым Марий Турек (527 гектар), У Торъял (259 гектар), Параньга (253 гектар), Курыкмарий (250 гектар) районлаште шийын налыныт.

А.АНДРЕЕВ.

Опубликовать в Одноклассники

Добавить комментарий