УВЕР ЙОГЫН

Чапле комплекс лийшаш

Ялозанлык да продовольствий министерствын делегацийже Звенигово ден Морко район администраций-влакын, Агробизнес кадрым уэш ямдылыше марий институтын еҥже-влак дене пырля Татарстан Республикысе «Хузангаевский» ООО-шко да тудын «Алексеевский НП» филиалышкыже (кок озанлыкшат «Звениговский» калык предприятий радамыште шотлалтеш) 3000 вуй ушкаллан комплексым чоҥымо опытым шымлаш миен коштын.

Марий кундем гыч мийыше-влак «Хузангаевский» ООО-н 3000 ушкалым ашнаш чоҥымо комплексшым онченыт. Тыште 5 вӱтам нӧлтымӧ, кажныштыже 600 ушкал шогаш тӱҥалеш. Кызыт 1540 вуйым ашнат. Чумыр проект куатыш 2018 ийыште шуаш палемдыме. Вольыкым тыште йолыштыде шогыктат, кургым механизм полшымо дене пуэдат. Ушкалым лӱшташ посна зал-влак улыт.

Кызыт «Звениговский» СПК Звенигово ден Морко муниципал район-влакын администрацийышт дене пырля Татарстанысе гаяк комплексым чоҥаш кумдыкым ойырымо йодышым рашемда.

В.Смоленцев. 

Опубликовать в Одноклассники

Добавить комментарий