27 майыште Марий Элын ялозанлык да продовольствий министрже Андрей Кондратенко Шернур районысо «Казанское» ООО-н озанлыкыштыже лийын.
Министр Шернур районлан 100 ий теме лӱмеш эртараш палемдыме Пасун кечыжлан ямдылалтмаш дене палыме лийын, пайремым эртараш келшыше площадкым, стенд ден палатке-влакым вераҥдышашлык верлам ончен савырнен. Яра кийыше мландым угыч курал-ӱдымӧ пасулаште кӱлеш пашам шуктымо деч вара ӱдымым, поснак KWS компанийын нӧшмыжӧ кузе ӱдалтмым терген, вет тиде компаний кушкыл сортым саемдыме да урлыкашым ончен куштымо шотышто эн сайлан шотлалтеш. Озанлык вуйлатыше В.Чикилев пушеҥге да вондер кушкын пытыше мландым ончыкыжым курал-ӱдымӧ пасуш савырыме нерген каласкален.
Тыгак чумыр Шернур районысо озанлыклаште ӱдымӧ паша кузе мучашлалтмым иктешленыт.
Л.СЕМЕНОВА
Фотом Марий Элын ялозанлык да продовольствий министерствыжын сайтше гыч налме.
