ПРАВОСЛАВИЙ

У идалык тӱҥалын

Кодшо кугарнян Йошкар-Оласе Православный рӱдерыште Марий митрополийысе духовенствын кодшо черке идалыкым иктешлыше погынымашыже эртен. Черке календарь дене У ийже 14 сентябрьыште тӱҥалын.

Тушто Епархиальный советыш, Епархиысе судыш, Попечительский комиссийыш у ен-влакым сайленыт. Самырык-влакын пашашт шотышто пӧлкамат у еҥлан вуйлаташ ӱшаненыт, моло ответственныйымат палемденыт. Кодшо идалыкым иктешлыше докладым митрополит Иоанн ыштен. Тудын ойлымыжо гыч раш лийын: тачысе кечылан Марий Элыште юмылан кумалме 102 пӧлем, 2 монастырь да 38 часамла уло. Тушто 95 священник да 19 диакон пашам ыштат. Эртыше пагытыште вич у храмым пашаш колтымо, эше нылытлан негызым ыштыме. Куяр посёлкышто гын «Неупиваемая чаша» Юмынавалан часамлам почмо.

 С.НОСОВА.

Опубликовать в Одноклассники

Добавить комментарий