Советский районысо Тапшер ялыште Георгий Победоносец лӱмеш часамлам почыныт.
Тудо Ӱшнӱр селаште апостол-влак Петр ден Павелын лӱмеш храм пеленлан шотлалтеш. Юмын шӱлышым пуртымо йӱламат настоятельже иерей Алесей Тарасов эртарен. Часамлажым нӧлташ шийвундым ты ялынак шочшыжо, шке жапыштыже Марий Элыште Гигиене да эпидемиологий рӱдерын шке жапыштыже тӱҥ врачшылан ыштыше Сергей Иванович Бастраков ойырен. Тудак ты суапле пашам тӱҥалаш Марий митрополит деч благословенийым налын. Родо-тукымжо да ял калык шонымым илышыш шыҥдараш полшеныт.
Ончыкыжым эше часамла да тудын воктенысе памаш кумдыкымат тӱзаташ шонымашышт уло. Молан лач Георгий Победоносецын лӱмжым ойырен налмыжым тачысе неле саман дене умылтарат, вет тудо военный-влакын покровительыштлан шотлалтеш. Сергей Иванович шкежат ты святойлан эре кумалын.
С.Носова
Снимкыште: у часамла воктене
Фотом Марий епархийын соцкыл лаштыкше гыч налме.
