Эртыше кечылаште «ВийАр» ушемын погынымашыже эртен. Тушто Николай Любимов ушемын председательже семын кум ий жапысе иктешлымашым ыштен. Варажым тӱрлӧ амал улмылан кӧра, председатель гыч кораҥмыж нерген палдарен.
Ушемын еҥже-влак председательлан Йошкар-Оласе историй музейын шанче пашаеҥжым Татьяна Тимофеевам сайленыт.
Палемден кодыман, тений «ВийАр» ушемлан кылме тылзыште лу ий темеш.
