Марий Эл правительствын кӱштымашыж дене келшышын, 2018 ий май-июньышто ончыкылык призывник-влак (кугурак класслаште тунемше-влак коклаште) 35 шагаташ учебный сборым эртат. Тудо военный службылан тунемаш келшыше программе почеш эртаралтеш.
Сборышто тактический да огневой ямдылалтме, радиационный, хмический да биологический аралалтме, строевой, военно-медицинский, физический подготовкым эртат. Тыгак общевоинский уставым, военный службын лӱдыкшыдымылык негызшым тунемыт.
Тений тунемме сборышто Марий Элысе общеобразовательный да профессиональный образовательный организацийла гыч салтакыш каяш ямдылалтше 1800 рвезе шинчымашым нєлта.
14-18 майыште Йошкар-Олаште тунемше-влак вич кече (300 рвезе) 34096 №-ан войсковой частьыште лийыныт.
21-25 майыште Волжский, Морко, Параньга, Килемар, Медведево, У Торъял, Звенигово, Марий Турек районла гыч 312 тунемше учебный сборыш лектеш.
Молышт образовательный организацийлаште учебный сборым эртат да дивизийын полевой тунемме рӱдерышкыже ик кечылан занятийыш лектыт. Тушто Калашников автомат дене лӱйылтыт.
Е.Эшкинина.