Звенигово олаште, тӱвыра да каныме «Мечта» районысо рӱдерыште «Супер кова» конкурс эртен.
Тушко олаште илыше вич ӱдырамаш ушненыт. Нуно эн ончычак «Визитке» номинацийыште шкешт дене палдареныт. «Творческий» номинацийыште усталыкыштым ончыктеныт. Кумшо конкурс «Ковайын йомакше» маналтын. А нылымше «21-ше курымын коваже» лийын да конкурсантке-шамыч куштымо мастарлыкыштым тергеныт.
«Супер кова» лӱмым Тамара Степанова сеҥен налын. Тудлан «Супер кочай-патырым», но илышымак огыл, а скульптурым веле, пӧлекленыт. Жюри моло ковай-влакымат ойырен коден огыл. Кажныже могай-гынат лӱм дене палемдалтын.
Л.Камалетдинова.
