Оласе пӧрт пырдыжеш, подъезд, кевыт омсаш, меҥгыш, остановко павильоныш, саварыш да эше шуко моло вереат рекламе увертарымашым пижыктылме олан тӱжвал тӱсышым моткоч локтылеш.
Коммунал службо, виктарыше органиаций-шамычлан, обслуживатлыше кумдыкыштым шотыш конден, рекламе сынан клеитлыме кагазым шуко гана кораҥдашышт верештеш. Но ӱчызо-влак коммунал озанлыкын тыршымыжым шотыш огыт нал, садак шке пашаштымак ыштат.
Увертарымашым закондымын пижыктылме административный правам пудыртымашлан шотлалтеш. Йошкар-Олам тӱзатыме правилын 2.8 пункт дене келшышын, ола кумдыкышто плакатым, печатлыме продукцийым тидлан лӱмын келыштарыме верлаште разрешений деч посна клеитлымылан але вераҥдылмылан административный штрафым тӱлыктен кертыт.
Р.ЧЕПАКОВА