24 мартыште «Независимый общественный мониторинг» (НОМ) ассоциацийын регионысо еҥже Ирина Петрова брифингым эртарен.
Тушко Марий Эл Мер палатын еҥже, коммерческий огыл кугу организаций-влакын лидерышт, моло чумыргеныт. Регионысо Общественный палатын НКО дене общероссийский йӱклымашым эскерыме (наблюдений) нерген ойпидышыш кидпалым пыштыме деч вара Ирина Петрова ончыкыжым ыштышаш паша дене палдарен. НОМ-ышто эскерымашлан ямдылалташ кызытак тӱҥалыныт. А тиде ассоциацийын регионысо отделенийыштыже лишыл жапыште общественный наблюдатель-влакым ойырен налмым тӱшкан каҥашаш икмыняр гана чумыргаш, йӱклымашым эртарыме нерген шояк уверым шаркалымаш ваштареш мерым ыштышаш нерген мутланеныт. Тыгак лишыл жапыште общественный наблюдатель-шамычым туныкташ тӱҥалыт. Но неле эпидемиологический сӱрет улмылан кӧра тиде вебинар семын эрта. А наблюдатель сомылым Мер палате-влакын членышт веле огыл, тыгак политический партий ден мер организаций-влакын еҥышт шукташ тӱҥалыт.
Йӱклымаш кечылаште НОМ-ышто Общественный эскерымаш рӱдер пашам ышта. Тыгак НОМ-ын нарушений-влак картше лиеш.
Л.КАМАЛЕТДИНОВА
