КУЧЕМЫШТЕ МЕР ИЛЫШ ДА ЙӰЛА

«Пеледыш пайрем» кугыжаныш статусым налеш

Тыге каласен Марий Элым Вуйлатышын пашажым жаплан шуктышо  Юрий Зайцев 7 июньышто Мер Каҥашын вуйверже дене вашлиймыж эртарыме годым.

Мер Каҥашын вуйлатышыже Эдуард Александров 2020 ийыште Марий калыкын XI погынжо эртен манын  ушештарен да республикыште кугыжаныш национальный политикым шуктен толмо нерген каласкален.

Тудын мутшо почеш, Мер Каҥаш социально-экономический илышын чыла ужашыштыже чулымын тырша, Марий талешке кечым, Пеледыш пайремым, Республикын кечыжым да Марий тиште кечым  эртарымылан  поснак кугу тўткышым ойыра.

«Общественность Пеледыш пайремлан  кугыжаныш статусым пуаш йодеш, молан манаш гын тудо национальный веле огыл, а калык пайрем шўлышан. Тудо марий-влакын  тўшкан илыме кундемлаштым  иктыш ушен шога. Тиде пайремыш моло калык гыч улшо еҥ-влакыт шукын погынат»,-каласен Оньыжа.

Республикым Вуйлатышын пашажым жаплан шуктышо тыгай темлымашым сайлан шотлен.

«Пеледыш пайрем» символ сынан. Тудым эртарашак кўлеш. Тиде – национальный вургем, йўла, традиций.  Чыла тидыже  моткоч кўлешан»- палемден Юрий Зайцев.

Российысе марий-влакын  федеральный  национально-культурный  автономийыштын председательже  Лариса Яковлева кундемыште йоча-влаклан марий йылме дене лукмо  учебник-влак  огыт сите манын палемден.

Республикым Вуйлатышын пашажым жаплан шуктышо нуным учебник-влакын федеральный переченьышкышт пуртымо, тидын шотыштак туныктымо пособийлам  электрон форматыш  кусарыме  пашам  виктарен колташ, тыгак йоча изданий, марий йылме дене лекше журнал ден газет-влакым дошколный ден общеобразовательный организацийлаште шарыме нерген йодышым рашемдаш РеспубликынТуныктыш да шанче  кўштен.

«Йылмым арален кодаш, тудым йоча-влаклан туныкташ кўлеш. Умылем,  тиде паша оксам йодеш, туге гынат тудым ыштыманак»,- каласен Юрий Зайцев.

Мер Ка‰аш вуйверын еҥже Светлана Пехметова марий йылмым печатьыште да массовый информаций средствылаште  кучылтмо  нерген каласкален. Тудо палемден: Марий Эл Республикын Конституцийже дене келшышын, кажне документ кугыжаныш марий йылмыш кусаралтеш. Указ, закон, пунчал да моло документ-влакым кусарыме паша куштылго огыл да тидлан ешартыш окса кўлеш.

Юрий Зайцев официальный документ-влакым да моло нормативно-правовой актым руш йылме гыч марий йылмыш кусараш «Марий Эл» газет редакцийлан  субсидийым кугемдыме нерген  йодышым  рашемдаш Республикын Тўвыра,  савыктыш да калык паша шотышто министерствыжлан  кўштен.

Мер Каҥаш вуйлатышын икымше алмаштышыже Валерий Мочаев  регионым социальный ден экономике велым  вияҥден толмо нерген каласкален, тыгодым Марий Элым Вуйлатышын пашажым жаплан шуктышо Юрий Зайцевын Марий Эл Республикым «шкенжын пўрымашыжын ужашыже» семын аклаш тӱҥалмыже  пеш кўлешан лиеш манын палемден.

Пытартышлан Юрий Зайцев ответственный еҥ-влак ончылан ялыште медициным вияҥдыме, корным ыштыме, ялозанлык сатум ыштен лукшо-влаклан полшен шогымо, социальный услугым ыштыме дене кылдалтше задачым шынден, 2024 ийыште Марий калыкын черетан погынжылан ямдылалтмаште Мер Каҥашлан полшен шогаш  министерстве ден ведомство-влаклан кўштен.

Марий Эл Республикым  вуйлатышын организаций да аналитике виктемжын  уверже негызеш П.Шакиров ямдылен

Д.Речкинын фотожо.

Опубликовать в Одноклассники

Добавить комментарий