Кикбоксинг дене тӱнямбал кубок верч таҥасымаште (WAKO 2019) Шернур кундемын ӱдыржӧ Полина Петухова вийжым терген, тӱнямбал кубокын озаже лийын.
Тений тушко 39 эл гыч 3159 участник чумырген. Землячкынан тӱшкаштыже, нелытым шотыш налын, шым еҥ лийын. Жеребёвко почеш тудо вигак пелефиналыш логалын. Ӱдыр Польша, Италий, Венгрий, Украина, Израиль гыч соперник-влак дене таҥасен да Венгрий да Израиль гыч спортсмен-влакым 3:0 счёт дене сеҥен. Тыге тудо ныл гана тӱнямбал кубокын озаже лийын.
Черетан вес таҥасымаш, тӱнямбал чемпионат, октябрьыште эрта. Полиналан сай результатым тыланена.
Е.ЭШКИНИНА.
