«Шошо призыв» шомакым колын, шукышт салтак радамыш шогалме жапым шарналтат. Но турист-влак тудым туризм дене кеҥеж тургымын всероссийский таҥасымашлан ӱжмаш семын палемдат.
Тений апрель мучаште Йошкар-Олаште элнан 24 регионжо гыч 500 утла участник вийжым терген. Нунын кокла гыч витле утлаже – Марий Эл гыч. Тушто тӱҥ налмаште Шернур, Марий Турек, Курыкмарий, Кужэҥер районла, Йошкар-Ола гыч спортсмен-шамыч лийыныт. Кужэҥер район гыч З.Пайдыганован 14 воспитанникше Россий кӱкшытыштє эн тале коклаште таҥасен, сай результатым ончыктен, сеҥышыш да призёр радамышкат логалын. Верысе спортсмен-влак деч ончыкшымат сай результатым вучена, сеҥымашым тыланена.
2-3 июньышто Куяр кундемыште спорт ориентирований дене Марий Элын чемпионатше дене первенствыже эртат.
Е.Эшкина
