УВЕР ЙОГЫН

Телылан ямдылалтыт

Рӱдола: таче да эрла

Телылан ямдылалтыт

1-ше №-ан ТЭЦ-ын пашаеҥже-влак рӱдоласе пӧртлашке вӱдым, шокшым пуышо пуч-влакым тергат, 2017-2018 ийласе олтымо пагытлан ямдылат. Хасанов ден Советский урем ушнымаште канализаций системым мастер Алексей Пермяковын вуйлатыме бригадыже терген, чылажымат шотыш конден шуктен манаш лиеш.  Объектыш мийыме годым монтажник-влак Николай Перминов ден Михаил Иванов кӱртньӧ-бетон плита дене леведме канализаций люк-влак системым бетонироватлен пытарат ыле. Вес объектыш куснымо деч ончыч чыла пашам мучашлаш кӱштен, мастер А.Пермяков «Электрон» кевыт тураште верланыше тыгаяк системым олмыкташ тӱҥалме деч ончыч тергаш кайыш. 

«Олаште кок бригаде пашам ыштена, — мане монтажник Николай Перминов. — Тиде мемнан кудымшо объектна. Таче пашам мучашлымек, эрла шымшышке куснена».  Рӱдолалан шокшым да шокшо вӱдым ситарен шогышо 1-ше №-ан ТЭЦ-ын пашаеҥже-влак канализаций люклам тергыме да ачалыме дене гына огыт серлаге. Кӱкшӱ давленийым пуэн тергыме деч вара палдырныше шукертак тоштемше да шолдыргышо пуч-влакым у дене алмаштылыт. Икманаш, шушаш у олтымо пагытлан кӱлынак ямдылалтыт.

Е.Садовин.

 

Опубликовать в Одноклассники

Добавить комментарий