«Спорт – илышын нормыжо» федеральный проект дене келшышын Марий Элын эше кум районыштыжо ГТО нормативым сдатлаш площадкылан оборудованийым налыт.
Физический культур дене калыкын тазалыкшым пеҥгыдемдыме шотышто тидыже ик эн сай йӧнлан шотлалтеш. А тӱҥ шонымаш теве могай: кундемыштына физический культур да спорт дене кылым кучышо-влакым 55 процент марте шукташ. Тидлан, мутат уке, тӱрлӧ йӧным кучылтыт. Спорт соооруженийым чоҥат, кӱлеш инвентарьымат налыт.
Тений тыгай спорт площадкым Марий Турек, Кужэҥер, Морко районлаште ыштен шуктышаш улыт. Лач ты кундемлаште ГТО нормативым шукташ, тестированийым эрташ лиеш.
Оборудованийым налаш федерал бюджет гыч 9 177,8 тӱжем теҥгем, республик бюджет гыч 187,3 тӱжем теҥге оксам ойырат.
Палаш: ГТО нормативым сдатлаш ӱмаште Звенигово, Курыкмарий, Юрино, Параньга, У Торъял, Килемар районлаште площадкым ыштыме.
Е.ЭШКИНИНА
