Айдеме пашам ыштен кертше (дееспособный) огыллан могай амалым шотлат?
Н.Миникеев.
Семёновка посёлко.
Йодышлан Медведево районысо прокурорын полышкалышыже С.Г.Захарова вашештен:
— Айдемым пашам ыштен кертше (дееспособный) огыллан тунам шотлат:
— кунам айдеме азартный модыш дене модмылан, спиртан йӱышым чот йӱмылан але наркотикан средстве дене чот пайдаланымылан верч ешым неле материальный положенийыш шукта;
— вуйушыжын психический пужлымыжлан кӧра шке ошкылжым ок умыло але вес еҥ-шамычын полшымышт дене гына чылажат ышта (тыгак судын пунчалже почеш пашам ыштен кертше (дееспособный) огыллан шотлымеке, гражданиннын психический состоянийже саемын гынат).
Граждан процессуальный кодексын 281-ше статьяжын 1-ше, 2-шо лончыжо почеш судыш йодмаш дене ешын членже, опеке да попечительстве орган, писихиатрический полышым пуышо медицине, тыгак социальный обслуживатлыше организаций-влак йодмаш дене лектын кертыт. Тыгай делам посна ппроизводство радам дене ончен лектыт. Йодмашым илыме верысе район судыш пуат. Гражданиным психиатрический але психоневрологический организацийыш вераҥдыме гын, ты организацийын верланыме адрес дене. Судыш пуымо йодмашым ончымо годым йодмашым пуышо, прокурор, опеке да попечительстве органын еҥже, моло заинтересованный лица да тыгак кӧн шотышто йодмашым пуымо лийшаш улыт. Но пытартыш шотыштыжо ончат: тудо лиеш гын, молылан да шкаланже эҥгекым ыштышаш огыл. Тыге ок лий гын, делам психиатрический але психоневрологический организацийын пӧлемыштыжак эртарат. Йодмашым ончымо годым кӱлеш гын, суд-психиатрический экспертизым эртараш пунчалеш. Тудо медицине организацийыште лийшаш. Суд гражданин шотышто пашам ыштен кертше (дееспособный) огыл манын пунчалым луктеш гын, опеке да попечительстве орган тудлан попечительым палемдышаш.
С.Носова
