Льготан путёвко чыла пенсионерлан огыл
Республикысе санаторий-влак пенсионер-шамычлан жапын-жапын льготан путёвкым темлат. Шкеже «Ваштар курык» санаторийыште канен эмлалтнем, но тушко льготан путёвкым шогылык шотышто пенсийыш лекше-шамыч гына налын кертыт. А моло пенсионерлан молан нимогай льгото уке?
М.Петров.
Волжский район.
Йодышлан «Ваштар курык» санаторийын тӱҥ бухгалтерже А.Павлова вашешта:
– Тыге, республикысе моло санаторий семын меат жапын-жапын льготан путёвкым темлена, но шогылык шотышто пенсийыш лекше граждан-шамычлан гына. Тиде – санаторий администрацийын решенийже.
М.ИВАНОВА.
