Административный наказаний годым южо еҥым латвич суткалан арестоватлат. Тидын шотыштак рашемдынем: а кӧм огыт арестоватле?
И.Савельев.
Советский район.
Йодышлан Медведево районысо прокурорын полышкалышыже, 3-шо классан юрист Д.П.Яикбаев вашештен:
— РФ-ын Административный првам пудыртымаш нерген кодексше дене келшышын, законым пудртышо гражданиным обществе деч ойырымо амал дене 15 суткалан арестоватлен кертыт. Тыгак палемдыме порядкым пудыртымылан але общественный верыште тӱшка калыкын лиймыже але ошкылмыжо годым общественный порядкым пудыртымо дене кылдалтше погынымашым, митингым, демонстрацийым, шествийым але пикетым эртарымылан, тыгак чрезвычайный положенийын режимжым, контртеррористический операцийым эртарыме годым правовой режимым пудртымылан, наркотический йӧн, писхотропный вещества нерген законодательстве областьыште административный правам пудртымылан 30 сутка мартеат арестоватлен кертыт.
Административный арестым судья палемда.
Но тыгай наказанийым мӱшкыран ӱдырамаш, 14 ияш марте икшыве-влакым ончышо ава, 18 ийыш шудымо еҥ, l да II-шо группо инвалид, военнослужащий, военный сборыш призыватлалтше граждан-влак шотышто огыт палемде. Ты радамышкак эше РФ-н Следственный комитетшын, элкӧргӧ орган-влакын, уголовно-исполнительный системысе учреждений ден орган-влакын, кугыжаныш противопожарный службын, нарктоик да психотропный вещества оборотым тергыше да таможньо орган-влакын пашаеҥыштым пуртымо.
С.Носова ямдылен.
