КАЛАСЕ, "МАРИЙ ЭЛ"

Йӧным ыштышаш улыт

Верысе кучем орган колышым тойымо йодыш шотышто посна службым ыштышаш мо?

 М.Иванов.

Кужэҥер район.

 Йодышлан Медведево районысо прокурорын полышкалышыже С.Захарова вашештен:

— Ыштышаш. «Тойымаш да тойымо паша нерген» федеральный законын (1996 ий 12 январь) 5-ше статьяжын 2-шо пунктшо дене келшышын, кажне гражданинын колымекыже капшылан пагалымаш гарантироватлалтеш. Ты законынак 29-ше статьже почеш, район, ял шотан илем, оласе округын верысе кучем органже-влак тойымо паша шотышто специализироватлыме службым ыштышаш улыт. Закон почеш тойымо пашам лач нуно шуктышаш улыт. Паша радамыштымат верысе кучем органак рашемдышаш. Эсогыл колышо айдемын кӧ улмыжым рашемдыме огыл, але тудын родо-тукымжо, але моло законный представительже-влак уке улыт, тойымо пашам тыгай службо шуктышаш. Закон почеш тидыже социальный гарантийлан шотлалтеш. Верысе кучем орган-влак  специализироватлыме службылан тойымо пашам шуктышашлан оксамат ойырышаш улыт.

Тыгай службын укеж годым, колышым тойымо пашам шке ӱмбакше налше еҥ тидым шке кӱшеш ышта гын, вараже тойымо шотышто спецпособийым налын кертеш.

С.Носова

Опубликовать в Одноклассники

Добавить комментарий