У пӧртым чоҥаш мландым налынна. Тушто шогышо тошто оралтым ронченна. Тошто арверым чыла йӱлатенна. А теве тошто юмоҥам йӱлаташ ӧрынна. Ала каҥашым пуэда: тудын дене мом ыштыман?
Е.Иванова.
Советский посёлко.
Йодышлан вашмутым Марий епархиальный управленийын пресс- службыштыжо пуэныт:
— Тошто юмоҥан могай улмыжым шотыш налаш кӱлеш. Тудым пу гыч ыштыме да тушан сӱретлыме гын, тудым уэмдаш епархийын юмоҥам возышо мастерскойышкыжо наҥгаяш лиеш. А мумо арверда кагаз але картон гыч ыштыме гын, тудым черкысе лавкыш конден пуыза. Юмоҥам уэмден олмыкташ ок лий гын, тудым йӱлатат.
С.Носова.
