У уремысе шуко пачеран пӧрт кудывечым электротул дене волгалтарымылан верысе администраций шканна тӱлыкта. Чын ышта мо?
Пачер оза-влак.
Шернур район.
Чылажат пӧртын кӧн але мон собственностьыштыжо улмо дене кылдалтын. Шуко пачеран пӧрт ден тудын йырысе кумдыклан верысе администраций оза гын, тугеже тулланат тудак тӱлышаш. А илыме вер ден тудын йырысе кумдык пачер оза-шамычын тӱшка паян собственностьыштлан шотлалтеш гын, электротуллан веле огыл, тыгак пӧрт йырысе кумдыкым эрыктымылан, тӱзатымылан да моло пашалан нуно тӱлат.
Чыла претензийым илыме верым обслуживатлыше организацийыш колтыман. Тушто шот ок лек гын, кӱшкырак, мутлан, прокуратурыш полышым йодын лекман.
М.ИВАНОВА.
