Марий Эл Республикын Тазалыкым аралыме министерствыже регионын целевой направленийже дене «Лечебное дело», «Педиатрий», «Медико-профилактическое дело» специальность-влак дене 5-ше курсышто да «Стоматологий», «Фармаций» специальность-влак дене 4-ше курсышто тунемше студент-шамычлан медицине организаций-влакын вуйлатышышт дене вашлиймашым эртара. Тудо вуз деч вара паша верым мумо да ординатурыш тунемаш пурымо йодыш-влак дене кылдалтын.
Мероприятий 7 июльышто 10 шагатлан Йошкар-Ола, Осипенко урем, 33-шо пӧрт адрес дене верланыше Республикысе клинический эмлымверын конференц-залыштыже лиеш. Телефон: 8 (8362) 222-114, 222-113.
М.ИВАНОВА.
