Маристатын палемдымыж почеш, 2018 ий 1 июльлан регионысо организаций-влак (изи предпринимательстве субъект деч молыжо) шке пашаеҥыштлан 3 миллионат 325 тӱжем теҥге кугыт пашадарым пуэн шуктен огытыл. Тидыже кодшо тылзе деч 706 тӱжем теҥгелан (27 процентлан) шукырак. Шке пашадаржым 175 еҥ тичмашын налын огыл.
Банкротство йыжыҥыште улшо транспорт предприятий-влакын пашадар шотышто парымышт эн кугу – 1 миллионат 896 тӱжем теҥге. Таче кечылан тыште 102 еҥ пашадарым жапыштыже налде тырша. Чодырам ямдылыме, ялозанлык, сонар сферыште пашадар парым 1 миллионат 170 тӱжем теҥгеш шуын, тудым 47 еҥ вуча.
Южым кондиционироватлыме да парым, электрокуатым, газым ситарыме сферыште 26 еҥ шке пашадаржым тичмашын налын огыл. Нунын ончылно парым – 259 тӱжем теҥге.
М.ИВАНОВА.
