СОЦИАЛ ИЛЫШ

Социальный илыш: Тунемаш йоча чарак огыл

Марий Эл Республикын Паша да калыклан пашам ситарыме департаментше йочам ончымо шотышто отпускышто улшо ӱдырамаш-шамычлан ончыкыжым келшыше пашам муашак тырша. Олаласе да районласе рӱдерлаште кум ияш марте йоча дене мӧҥгыштӧ шинчыше ӱдырамаш-влаклан иктаж специальностьлан тунемаш але ешартыш шинчымашым налаш тӱрлӧ йӧным ыштат. У профессий ден ешартыш шинчымаш ӱдырамашлан шонымыжым шукташ, конкурент дене вийжым тергаш, тыгак сай профессиональный формым кучаш полшат. Пашам пуышат специалистым туныкташ роскотым ок ыште. Тидыже организацийлаште кадр составын качествыжым палынак саемдаш полша.

Йочам ончымо шотышто отпуск деч вара самырык ава паша вержым вашталташ шона гын, рӱдерын направленийже дене вес специальностьлан тунемын кертеш.

Паша да калыклан паша верым ситарыме департаментын данныйже почеш, тений республикыштына кум ияш марте йоча дене мӧҥгыштӧ шинчыше 22 ӱдырамашым тунемаш колтымо. 2017 ийыште тыгай йӧн дене 95 ӱдырамаш пайдаланен.

М.ИВАНОВА.

Опубликовать в Одноклассники

Добавить комментарий