2018 ийыште Марий Элыште инвалид-влаклан уто нелылык деч посна пурен-лекташ, тушто коштын керташ лийме поснак кӱлешан 29 объектым келыштараш 11,7 миллион теҥгем кучылташ палемдыме.
Идалык жапыште тазалыкым аралыме 13 объектым, калыкым социально аралыме 6 объектым, 2 спорт объектым, 4 тӱвыра объектым, калыклан паша верым ситарыме службын 4 объектшым инвалид-влаклан келыштарен шуктышаш улыт.
Тылеч посна «Доступный среда» программе кышкарыште коляске дене куснылшо инвалид-влаклан ик автобусым налаш палемдыме.
Тиде роскотлан 10,38 миллион теҥгем федеральный бюджет, 1,3 миллион теҥгем республикын бюджетше ойырат.
М.ИВАНОВА.
