Космонавтике кечын «Единый Россий» партийын еҥже-влак Юрий Гагариным шарныме мероприятийыш ушненыт.
12 апрельыште ты партийын еҥже-влак «Единый Российын Молодой Гвардийже» Марий региональный отделенийын активистше-шамыч дене пырля айдемын космосыш икымше гана чоҥештымыжлан 65 ий теммылан пӧлеклалтше мероприятийыште лийыныт.
Пайрем лӱмеш участник-влак Юрий Алексеевич Гагаринын памятникше деке пеледышым пыштеныт.
«Единый Россий» Космонавтике кечылан пӧлеклалтше акций ден мероприятийым кажне ийын эртара. Тений нунын деке депутат, ончылгоч йӱклымашын кандидатше, активист, партийлан мелын улшо ден молодогвардеец-шамыч ушненыт.
2026 ийыште «Единый Россий» у Калык программым ямдыла. Тудын технологий дене кылдалтше ужашыштыже космический промышленностьым вияҥдаш, элысе разработчик-влаклан да кадрым чумыраш полшаш виктаралтше темлымаш-влак лийыт.
Любовь Камалетдинова
