Кугу Отечественный сарын шерге ветеранже, тулыкеш кодшо вате, тылын труженикше-влак!
Марий Эл Республикыште илыше пагалыме еҥ-влак!
Тендам Кугу Отечественный сарыште Сеҥымылан 74 ий темме дене уло шӱм-чон дене саламлем! Пӱтынь калыкын тиде пайремже сеҥыше-влакын тукымышт дене ойыраш лийдымын кылдалтын. Нуно, шке илышыштым чаманыде, тӱням фашизм деч утарен коденыт, Шочмо элын эрыкшым геройлын арален коденыт, шаланыше шочмо олана ден ялна-влакым уэш тӱзатен шынденыт.
9 Май калыкын шарнымашешыже тылыште да фронтышто Сеҥымашым таптыше еҥ-влак дене кугешныме да нунылан тауштымо кече семын эрелан аралалт кодеш. Кугурак тукымын патырлыкше, чоткыдылыкшо, героизмже, Шочмо эллан пеш чот ўшанле улмыжо ончыкылык чыла тукымлан курым-курымаш пример да образецц лийын кодыт.
Кугу Отечественный сарын тӱкыдымє ик ешат уке, шучко кредалмаш пасула гыч пӧртылдымӧ родо-тукым еҥ-влак нерген волгыдо шарнымашым арален илыдыме ик суртат уке.
Кугу Отечественный сарыште сеҥыше-влак коклаште Марий Эл Республикыште шочын-кушшо еҥ-влакат шагалын огыл лийыныт, ме нунын дене кугешнена. Мемнан 53 землякна Совет Союз Герой, 14 еҥ Боевой Чап орденын тичмаш кавалерже лийыныт. Марий кундемын 140 тӱжем утла эргыже ден ӱдыржӧ, кидыш саркуралым налын, Шочмо элым аралаш шогалыныт. 74 тӱжем еҥже кредалмаш пасу гыч пєртылын огыл. Нунын нерген шарнымаш мемнан шўм-чоныштына эреак илаш тӱҥалеш.
Тунамсе неле пагытым чытен лекше еҥже ий еда шагалемын толеш. Шерге ветеран-влак! Курым почеш курым эрта, но тендан пеш кугу подвигда нигунам огеш мондалт, тендан геройло пашадан значенийже нигунам огеш молем. Историйын чылалан палыме фактше-влак да сар ийлаште ыштыме, но ондак палыдыме тӱжемле подвиг дене кызытсе тукым-влакым палдараш «Бессмертный полк» пеш кугу акций полша. Калыкын уремла дене ошкылын эртымыже мемнан деч кайыше герой-влакын тукымышт ден нунын портретыштым кугешнен нумал эртыше еҥ-шамычым ынде вич ий утла жап иктыш уша.
Шерге Ветеран-влак, тендан ончылно вуйнам савена! Ме тендам пеш чот пагалымынам оныктена да алал кумылын таум ойлена.
Тиде торжественный май кечын тыланда пемгыде тазалыкым, пиалым, чыла порым да кужу ӱмырым, кажне пӧртыштӧ шӱм-чон шокшым да ласка илышым уло шӱм-чон дене тыланем!
Пайрем дене! Кугу Сеҥымаш кече дене!
Марий Эл Республикым Вуйлатыше А.А. Евстифеев
