Йошкар-Ола гыч Москва воктенысе «Внуково» аэропортыш самолет дене арняште вич гана чоҥешташ лиеш. Тыге кутырен келшыме верыш лектын эртарыме совещанийыште. Тудыжым Марий Элым вуйлатыше Александр Евстифеев «Руслайн» компанийын пашаеҥже-влак дене эртарен.
Вашлиймаш Йошкар-Оласе аэропортышто лийын. Тиде шупшыктышо регулярный рейсым 1 июльышто тӱҥалаш ямде.
Республикым вуйлатыше ден компанийын еҥже-влак чоҥештен кӱзымӧ да волен шичме полосам, аэропортын зданийжым ончен савырненыт, чыла кӱлешан йодышым рашемденыт.
Марий Эл ден Москва коклаште авиационный кылым ышташ Валентина Ивановна Матвиенко, Виталий Лентьевич Мутко да РФ транспорт министр полшеныт. Ме тидын нерген республикын 100 ияш юбилейжылан ямдылалтме шотышто оргкомитетын координационный совещанийыштыже кок гана мутланенна, палемден Марий Элым вуйлатыше.
Генеральный директор Александр Городилов «Руслайн» компаний шукертсек пашам ышта да тудо ӱшанле авиашупшыктышылан шотлалтеш манын каласен.
Марий Эл Республикым вуйлатышын организаций да аналитике виктемжын уверже негызеш П.Шакиров ямдылен
