Республикна гыч команде Россий кӱкшытан «Содружество» фестивальыш ушнен.
Анапа оласе «Вита» йоча курортышто эртыше тунемме-усталык вашлиймаш элнан 23 регионжо гыч 210 йочам иквереш чумырен.
Марий Элын чапшым Параньга кыдалаш школ гыч «Живая нить» команде (вуйлатышыже – школ директорын советникше Лейсан Буйских) гыч да Шуко профилян лицей-интернатыште тунемше ӱдыр-рвезе-влак араленыт. Нуно мемнан калык-влакын поян тӱвырашт, йӱлашт да историйышт дене кылдалтше проектышт дене палдареныт.
Г.Кожевникова
Фотом Марий Эл Образований да науко министерствын соцкылысе лаштыкше гыч налме.
