Марий Эл гыч туныктышо «Знание» Россий обществын эртарыме «Знание.Лектор» конкурсшын финалышкыже лектын.
Тиде Йошкар-Оласе А.С.Пушкин лӱмеш 4-ше № гимназийыште руш йылмым да литературым туныктышо Екатерина Матвеева (снимкыште). Тудо да Российын 52 регионжо гыч лекше 140 наре участник 2025 ий февральыште Москваш, финалысе тергымашыш, кая. Тушто жюри 70 сеҥышым ойыра.
Екатерина Матвеева округ кӱкшытан йыжыҥыштыже эртарыме авторский лекцийыштыже туныктымо пашаште икымше татым шижын да лач тунам чын корным ойырен моштымо нерген каласкален. Тудын палемдымыж почеш, педагогикыште шижын моштымаш кугу рольым модеш. Саманын условийыштыже тиде педагогикым да экономикым икте-весе деке лишемдаш йӧн.
Г.Кожевникова
Фотом «Знание» Россий обществын пресс-службыж гыч налме
