3 сентябрь – Терроризм ваштареш кучедалмаште икоян улмо кече. Тиде кечын 2004 ий 1 гыч 3 сентябрь марте Беслан олаште лийше трагический событий-влакым шарналтена.
– Тиде преступлений тӱрлӧ калыкан Российыште илыше чыла еҥын чонжым тарватен. Ты кечын Йӱдвел Осетийыште да элнан моло регионыштыжо терактыште колышо-влакым шарналтена. Тыныс граждан-влакын илышыштым кӱрлшӧ, йоча ден кугыеҥ-влакын пӱрымашыштым эмгатыше-влакым нигунам проститлаш ок лий.
Российым сӧй пасушто сеҥаш огеш лий, но тушман мемнан икоян улмынам лунчырташ, лӱдыкташ да тумам тарваташ тӧчымым ок кодо. Тидлан шучко йӧным кучылтеш. Туге гынат тушман мемнам лӱдыктен огеш керт. Ме икоян улмынам,элнан виян улмыжым ончыктена.
Терактыште колышо-влакым курымеш шарнаш тӱҥалына, а терроризм ваштареш кучедалше-влаклан моткоч кугу тау, – воза воткыл лаштыклаштыже Марий Эл вуйлатыше Юрий Зайцев.
