УВЕР ЙОГЫН

«Тынеш» пуртеныт

Православный календарь почеш, христианин-влак 8 ноябрьым кугун орланыше Димитрий Солунскийым шарныме кече семын палемдат. Шарнымаш святойын воинский подвигше, патриотизмже да элым аралымыж дене кылдалтын.
Тиде кечын Волжский районысо Шарача черкыште престол пайремым палемденыт гын, Купсолаште верланыше Юмым Шочыктышо Эн Святой Аван леведмыже лӱмеш черкыште «Покровский» хуторын Юрий Дроздов лӱмеш «Клинок» казак военно-патриотический клубшын 18 кадетше клятвым пуэн.
Клятвым черкын протоиерейже Евгений ача, «Покровский» хуторын походный атаманже Александр Глухов да казак-шамыч приниматленыт. Йӱла почеш, кадет-влак клятвым юмоҥа, Евангелий да ырес ончылно пуэныт, знамя ончылан сукен шинчыныт да святой ача деч суапландарымашым налыныт.
Торжественный ужаш деч вара чыланат трапезныйыш погыненыт. Тушто ӱдыр-рвезе ден уна-шамычым поян чесан пайрем ӱстел вучен. Кадет-влакым клятвым пуымо кече дене пагалыме уна ден ача-ава-влак саламленыт.

М.ИВАНОВА

Опубликовать в Одноклассники

Добавить комментарий