Марий Эл Республикын футбол дене первенствыжын черетан модмашыже рушарнян, 2 сентябрьыште, Йошкар-Оласе «Дружба» стадионышто эртыш. Тушто У Торъял районысо «Первый май» колхозын «1 Май» командыж ден рӱдоласе «ЗПП» команде таҥасышт.
12-шо тур деч вара «1 Май» нылымше верыште ыле гын, 13-шо деч вара кумшыш кӱзен кертын.
Но тиде сӱретым рушарнясе модмаш мыняр-гынат локтыльо – «1 Май» «ЗПП»-лан 2:1 очко дене сеҥалте.
Икымше тайм ничья дене мучашлалте. Кокымшо таймын икымше минутлаштыжак рӱдола гыч футболист-шамыч голым пуртышт, изиш лиймеке, эше иктым. «1 Май» улыжат ик голым, мо оҥайже, таҥасымашын пытартыш минутыштыжо, пиалеш, пуртен керте.
Л.Камалетдинова.
