УВЕР ЙОГЫН

Евстифеев Петербургысо тӱнямбал экономический форумын кызытеш ыштыме иктешлымашыж нерген каласен

Петербургысо тӱнямбал экономический форумын республткылан кызытеш ыштыме иктешлымашыж нерген Александр Евстифеев тыге каласен: 

— Кок пленар заседаний ден мемнан лийме тематический площадке-влакын пашаштым чот тӱткын каҥашена. Республикыште мом илышыш пурташ лийме нерген отраслевой кажне министр дене мутланена. Экономический форумын иктешлымашыж нерген министерстве ден ведомство вуйлатыше-влакын шонымашыштым йодмо дене гына огына серлаге. Форумын иктешлымашыж нерген районлаште администраций вуйлатыше да депутат-влак пырля каҥашаш тӱҥалыт.

Тӱнямбал форум деч вара ыштыме пашан лектышыже-влак ончыкыжым кажне ийын «декабрьысе» докладыш пурталтшаш улыт. Санкт-Петербургышто эртышаш вес деловой форумыш Марий Элын ушнымыж шотышто республик вуйлатыше каласен: ончыкыжым регион дене делегаций палдараш тӱҥалеш.

— Ончыкыжым тушко делегаций кайыже манын, Экономически вияҥмаш министерстве утларак чолган пашам ыштышаш. Шкенан стенднам обязательно ямдылыман. Тудын дене Федераций Советыште Республикын кечыж жапыште пашам ыштыман. Мемнан уло мом ончыкташ. Сайын тыршыше субъект-влакын тыгай  тӱнямбал площадкыште шкешт дене палдараш йӧнышт лийшаш, — палемден Александр Евстифеев.

Л.Камалетдинова.

Опубликовать в Одноклассники

Добавить комментарий