Вашке нине шомаклам школым тунем пытарыше ӱдыр-рвезе-шамыч Россий мучко ойлаш тӱҥалыт. Тунемме верлаште пытартыш йыҥгыр-влак йоҥгат. Марий Элыште нуно 23-25 майыште лийыт. Тидым республикнан Образований да науко министерствыже пеҥгыдемден.
Пытартыш йыҥгырын кунам эртымыжым кажне школ шке ойыра. Кечыже тунемме план да выпускной экзамен дене кылдалтын. Йошкар-Оласе школлаште пытартыш йыҥгыр 24 майыште лиеш.
Марий Элын Образований да науко министерствыжын палемдымыж почеш, тиде тунемме ийыште 9-ше классым куд тӱжем, а 11-ше классым кум тӱжем ӱдыр-рвезе тунем пытара.
11-ше класслаште ЕГЭ 28 майыште тӱҥалеш да 2 июльышто мучашлалтеш (шапаш кече дене пырля). 9-ше класслаште ОГЭ-влак 25майыште-29 июньышто эртат.
Л.ШАБДАРОВА.
