Марий Эл вуйлатыше Юрий Зайцев республикысе муниципальный образований-влакын вуйлатышышт-шамыч дене вашлийын, тыгак «Единый Россий» партийын регионысо политсоветшын президиумжын пашашкыже ушнен.
Заседанийыште Юрий Викторович Марий Эл Кугыжаныш Погын Председательын должностьышкыжо Михаил Зиновьевич Васютинын, Марий Эл Кугыжаныш Погынышто «Единый Россий» партийын фракцийжым вуйлатышылан Лариса Николаевна Яковлеван кандидатурыштым темлымым келшен толмылан шотлен.
Марий Эл вуйлатыше когыньыштымат сайын палымыжым, нунын регионыштына нелылыкым лукшо йодыш-влакым келгын шымлымыштым, республикнан улан илышыже верч тыршен пашам ыштымыштым пеҥгыдемден каласен.
Вашлиймаште республикым вуйлатыше «Единый Россий» всероссийский политический партийын Марий Элысе пӧлкажын секретарьжын таумутшым икмыняр еҥлан кучыктен.
Марий Эл вуйлатышын пресс-службыжын уверже негызеш Лидия ШАБДАРОВА ямдылен
Д.Речкинын фотожо
