Экологий идалык дене келшышын, Звенигово олаште «Охотники за батарейками» пӱртӱсым аралыме акций мучашлалтын. Тудо «Пырля ыштена» всероссийский экологический акций кышкарыште эртаралтын.
Акцийыш ушнаш кумылан еҥ-влакым Звенигово муниципал район администрацийын муниципал озанлык, чоҥымаш да архитектур отделже «Единая Россия» партийын верысе отделенийже дене пырля кумылаҥденыт.
Ик тылзе жапыште 15 килограмм пытыше батарейкым да ик килограмм наре срок лекше мобильный зарядный устройствым погеныт. Эн шуко, 4 килограмм утла батарейкым, Чакмарий школ чумырен.
Л.Камалетдинова.
