САМЫРЫК ТУКЫМ

Пайдале кумдык

«Территория смыслов» – самырык-влаклан ик эн кугу  образовательный форум. Тудын «Российыште пашам ышташ» сменышкыже Марий Эл гыч кок чолга рвезе, Георгий Мишин ден Данил Лебедев, миен коштыныт.

«Россия страна возможнолстей» платформын оффлайн мероприятийышкыже икымше гана ушненам. Мылам пеш келшен. Тудын тунемме программыже тӱвыргӧ лийын. Тидын годымак яра жапат пуалтын. Но канаш огыл, а шке проектым саемдаш, кӱлеш еҥ-влак дене вашкылым ышташ, шке пашам шукташ.

Участник-влакым ончалаш гын, чылан талантан погыненыт. Нуно ончыкыжымат тыршаш кумылаҥденыт.

Спикер-влакым поснак палемдыме шуэш. Мемнан деке депутат-влак, «Mercedes-Benz» машинам ыштыше компанийын генеральный директоржо, «AskonaLifeGroup» фондын президентше да шке пашаштышт кугу кӱкшытыш шушо вес еҥ-влак толыныт.

«Территория смыслов» – тиде тыгай вер, куштыжо шке шинчымашым нӧлташ да уста шӱлышан йолташым вашлияш лиеш. Тыгак тудо кугу компанийлаште стажировкым эрташ йӧным пуа. А эн талыже, грант конкурсыш ушнен, шийвундым сеҥен налын кертеш», – палдарыш Георгий.

О.МОШКИНА

Опубликовать в Одноклассники

Добавить комментарий